Gideon Calder 

Mae Gideon yn dysgu ym Mhrifysgol Abertawe, lle mae'n Bennaeth yr Adran Troseddeg, Cymdeithaseg a Pholisi Cymdeithasol.  Cyn hynny bu’n dysgu ym Mhrifysgol De Cymru yng Nghasnewydd, ac mae wedi bod yn aelod o’r Comisiwn Tegwch ers ei sefydlu yn 2012.  Mae ei ymchwil wedi bod yn ymwneud yn bennaf â chyfiawnder cymdeithasol, gan ganolbwyntio'n ddiweddar ar blant a'r teulu, ac (ar wahân) beth sy'n digwydd pan fydd gwasanaethau'n cael eu cydgynhyrchu gan y rhai sy'n eu defnyddio.  Mae hefyd yn cyd-olygu'r cyfnodolyn academaidd Ethics and Social Welfare.  Yn ei amser hamdden mae’n rhedeg, ac yn helpu gyda thîm pêl-droed ei ferch.

Kate Thomas

Wedi'i hethol yn gynghorydd dros Stow Hill, yr ardal sy'n cynnwys canol dinas Casnewydd yn 2012. Mae hi wedi cadw'r sedd mewn etholiadau ers hynny. Cyn hynny, hi oedd Cydlynydd Iechyd a Gofal Cymdeithasol Casnewydd, yn gweithio i CMGG gyda sefydliadau'r sector gwirfoddol, y bwrdd iechyd a'r cyngor. Mae hi’n cefnogi grwpiau gofalwyr di-dâl, y Fforwm 50+ ar gyfer pobl hŷn sy’n byw yn y ddinas a Grŵp Mynediad Casnewydd. Mae'n llywodraethwr mewn 2 ysgol leol ac yn aelod o Llais, y corff sy'n cynrychioli cleifion sy'n defnyddio gwasanaethau'r GIG a gofal cymdeithasol. Mae hi wedi bod yn aelod o’r Comisiwn Tegwch ers ei sefydlu gyntaf yn 2012.

Ei diddordebau yw hyrwyddo cyfiawnder cymdeithasol ar draws pob grŵp oedran er gwaethaf yr heriau y mae’r wlad a’r ddinas yn parhau i’w hwynebu.

Terry Price

Bellach wedi ymddeol, bu Terry yn Gyfarwyddwr Cymru ar gyfer Ymddiriedolaeth Scarman, Elusen Adfywio Cymunedol yn y DU sy'n canolbwyntio ar gyfiawnder cymdeithasol. Sefydlodd lawer o brosiectau ar adfywio cymunedau lleol, dysgu cymunedol, datblygu busnesau cymdeithasol a chynhwysiant digidol yng Nghymru. Mae'n hwylusydd/hyfforddwr profiadol mewn dulliau ymgysylltu cymunedol a chydraddoldeb yng Nghymru a llawer o leoliadau Ewropeaidd. Roedd yn allweddol wrth helpu i sefydlu mentrau Llywodraeth Cymru i fynd i’r afael ag allgáu digidol mewn cymunedau ac mae’n dal i eistedd ar ei bwrdd cynghori Cynhwysiant Digidol. Bu’n goruchwylio prosiect Teuluoedd yn Gyntaf SEWREC yng Nghasnewydd am 5 mlynedd ac mae’n ymddiriedolwr ar Gyngor Gwirfoddol Cymunedol Caerdydd. Mae wedi bod yn aelod o Gomisiwn Tegwch Casnewydd  ers 2015.

Ruth McKie

Dirprwy Gyfarwyddwr Masnachol wedi ymddeol gyda chwmni amddiffyn mawr, sydd bellach yn gallu dilyn diddordebau mewn cefnogi lles menywod a materion gwaith yn ogystal â garddio a mwynhau bywyd yn gyffredinol. Gan fod gennyf anawsterau symudedd fy hun, rwy'n helpu pobl sy'n defnyddio gwasanaethau, amgylcheddau gwaith a lleoliadau eraill drwy Grŵp Mynediad Casnewydd.

 Kate Haywood

Mae Kate yn hanu o Gasnewydd ac yn byw yn ardal Stow Hill. Mae ei dau blentyn yn mynd i ysgolion lleol a thrwyddynt mae'n ymwneud â llawer o grwpiau a chlybiau ar draws y ddinas. Mae Kate yn dysgu Gwaith Ieuenctid a Chyfiawnder Ieuenctid ar gampws Prifysgol De Cymru yng nghanol y ddinas. Mae hi’n wirfoddolwr yn Nhŷ’r Gymuned, Maendy ac wedi bod yn ymwneud â hi yno ers diwedd y 1990au. Mae hi hefyd yn ymwneud ag elusennau yng Nghasnewydd gan gynnwys Urban Circle a Chymdeithas Gymunedol Yemeni Casnewydd.