Cymryd tegwch o ddifrif
Ein gwaith
Rydym yn gweithio gyda Chyngor Dinas Casnewydd a'r gymuned ehangach i hyrwyddo tegwch yn ein dinas. Weithiau mae hyn yn golygu rhoi sylwadau ar yr hyn y mae'r Cyngor yn ei wneud, a darparu offer i bobl sy'n gweithio yno i helpu i wneud penderfyniadau teg. Yn ehangach, mae’n golygu dod o hyd i ffyrdd o annog pobl Casnewydd i feddwl pam fod tegwch yn bwysig, a sut y gallwn ei gyflawni.
Ni allwn ddweud wrth bobl beth i'w wneud - nid ydym yn swyddogion etholedig. Yn hytrach, ein rôl ni yw taflu goleuni ac annog myfyrio a dadlau. Rydym am helpu Casnewydd i gael sgwrs well am degwch. A hoffem i'r sgwrs honno gynnwys cymaint o bobl â phosibl, ar draws cymunedau Casnewydd. Rydyn ni'n meddwl bod pawb yn haeddu dweud eu dweud, ac y bydd ein dinas yn gweithio'n well gyda phawb sy'n cymryd rhan.
Mae'r canlynol yn rhai enghreifftiau o'r mathau o gyfraniadau a wnawn.
​
Ymgysylltu cymunedol
ar Degwch
-
Rydym wedi ymgynghori'n rheolaidd â grwpiau fel Cyngor Ieuenctid Casnewydd, Fforwm 50+ Casnewydd a Chysylltwyr Cymunedol sy'n gweithio gyda'r Cyngor, i gael synnwyr o sut mae materion yn edrych o'u safbwyntiau gwahanol.
-
Yn ystod pandemig Covid 19, fe wnaethom hwyluso gweithdai yn edrych ar effeithiau’r firws a’r amrywiol fesurau cloi ar wahanol rannau o’r gymuned.
-
Rydym wedi helpu i ddyfeisio a llywio cyfres o gynlluniau cyllidebu cyfranogol, lle mae aelodau o'r gymuned wedi cael eu gwahodd i wneud cynigion ar sut i wario adnoddau.
-
Rydym wedi cynnal stondinau mewn digwyddiadau fel Gŵyl Maendy, gan wahodd aelodau o’r cyhoedd i ddweud wrthym beth mae tegwch yn ei olygu iddyn nhw.
-
Rydym wedi trefnu dangosiadau o ffilmiau gyda themâu sy'n ymwneud â thegwch.
​
Hyfforddiant, datblygiad ac addysgu ar gyfer Cynghorwyr, gweithwyr y Cyngor a myfyrwyr
-
Rydym wedi datblygu pecyn hyfforddi ar gyfer Cynghorwyr a gweithwyr y Cyngor, i'w helpu i fyfyrio ar rôl tegwch yn eu gwaith, a sut i ymgorffori ystyriaethau tegwch yn y penderfyniadau a wnânt.
-
Rydym yn cyfrannu at addysgu ym Mhrifysgol De Cymru, ar y BA (Anrh) Gwaith Ieuenctid a Chymunedol – gan ddarparu sesiynau ar degwch a pham ei fod yn bwysig i fyfyrwyr ar bob cam o’u gradd.
Ymateb i gynigion cyllideb Cyngor Dinas Casnewydd
-
Bob blwyddyn, dros y deng mlynedd diwethaf rydym wedi ymateb i gynigion cyllideb y Cyngor, gan amlygu'r goblygiadau ar gyfer tegwch, gan ddefnyddio ein 'hegwyddorion'. Cyflwynir ein hymateb i'r Cabinet cyn iddynt wneud eu penderfyniadau cyllidebol terfynol.
